رۆژی سێشەممە ١٦ی ڕەشەممە، بەهائەدین مەلەکی، وریا کەریمی، جەبار پاکزاد، موختار ئەسەدی، کەماڵ فەکووریان و عابد ئەحمەدی چالاکانی سێنفی مامۆستایانی ساری سنە لەلایەن هێزە ئەمنیەتیەکانی رژیمی ئیسلامی ئێرانەوە دەستگیر و بۆ شوێنێکی نادیار راگوێزران.
شایانی باسە رۆژی سێشەممە هێزە ئەمنیەتیەکان هێرشیان کردە سەر کۆبوونەوەی مامۆستایان لە بەردەم ئیدارەی پەروەردەی شاری سنە و بە گازی فرمێسکرێژ و چەکی ساچمەیی هێرشیان کردە سەر مامۆستایان و لانیکەم چوار مامۆستا بە فیشەکی ساچمەیی بریندار بون و ئەو شەش کەسەش دەستگیر کراون.
