خەڵک لە زۆربەی شارەکانی ئیران بە دژی ژەهراوی کردنی خوێندکارانی هاتنە سەر شەقامەکان، خەڵک لە سەر داواکاری ماموستایانی ئێران هاتنە سەر شەقام و بە دژی رژیم دروشمیان وتەوە. فەزای شارەکان بە گشتی میلیتاریزەیە و لە کۆمەڵیک لە شارەکان هێرشیان کردە سەر خۆپیشاندەران، گیراو و بریندار هەن.
خەڵکی ئێران بە گشتی ولامی بانگەوازی شورای هاوئاهەنگی ماموستانی ئێران بۆ ناڕزایەتی دەربرین بە دژی ژەهراوی کردنی قوتابیانی کچ لە ئێران بۆ رۆژی سێشەممە ١٦ی ڕەشەممەیان دایەوە و هاتنە سەر شەقام و بەردەم پەوەردە. جەماوەری ناڕازیی لە چەندین شار بە تایبەتی تاران، مەشهەد، سنە، ئەهواز، بابول. کەرەج، رەشت، شیراز، ئەردەبیل، مەریوان، سەقز و لاهیجان و … هاتنە سەر شەقامەکان و دەنگی خۆیان خستە پاڵ دەنگی مامۆستایان.
ئەم شورایە سەبارەت بە ژەهراوی کردنی خوێندکاران دەڵێت: ئێوە ئەمنیەتی قوتابیان و خوێندکارانتان خستوەتە مەترسیەوە و ئەمە هێلی سووری ماموستایانە. سەدان ویدئو لە تۆرە کۆمەڵایەتیەکان بڵاو بوەتەوە کە خەڵک لە وڵامی ئەو راگەیاندنەدا هاتونەتە سەر شەقام و بە شێوەی بەربڵاو دەنگی ناڕزایەتی خۆیان بەرز کردەوە.
شایانی باسە “نێد پرایس” وتەبێژی دەرەوەی ئەمریکا ژەهراوی کردنی کچانی قوتابی ئێرانی بە توندی ئیدانە کرد و وتی ئەو کەسانەی بەرپرسی ئەم کردەوەن دەبێ وڵامدەرەوە بن. ناوبراو خوازیاری چالاک بوونی کۆمسیونی “حقیقت یاب”ی رێکخراوی نەتەوە یەکگرتوەکان بوو.
