ئیبراهیم رەئیسی، سەرۆک کۆماری رژیمی ئیسلامی ئێران دەڵێت، هێزەکانی رژیمی ئیسلامی ئێران وڵمی سەخت بە بچووکترین جووڵە و هەوڵ دژی رژیمی ئیسلامی ئێران دەداتەوە و لە ئەگەری چکۆلەترین هەلە حەیفا و تەلئەبیب لە نێو دەچن.
جێگەی ئاماژەیە کە رژیمی ئیسلامی ئێران بە جوانی ئیسرائیل ناناسێت و خوێندنەوەی هەلەیان هەیە بۆ کێشمە کێشمی نێوانیان و تا ئێستاش ئەوە ئیسرائیل بوە کە دەستی باڵای هەبوە و زۆر جار ناوەندی ستراتیژی و سەربازی و تەنانەت کەسایەتیە سەربازی و ناوکیەکانی ئێرانی لە ناو دڵی تاران کردوەتە ئامانج، رژیمی ئیسلامی ئیسرائیلی پێ تاوانبار کردوە و هەمیشە هەڕەشەی توندی کردوە، بەڵام لە کردەوەدا شتێکی ئەوتۆی نەکردوە و تەنها پڕوپاگەندەی کردوە.
ئەمە لەلاێکەوە و لەلایکی دیکەوە ئێران ویستویەتی لە رێگەی گروپە چەکدارەکانەوە بە شێوەی وکالەتی هەول دەدات ئەمنیەت و ئاسایشی ئیسرائیل تێکبدات؛ بەڵآم ئیسرائیل زۆر جار بە تایبەتی لە سوریە هەموو ئەو گروپانەی کردوەتە ئامانج و لە ناوی بردون.
شایانی باسە رەئیسی جارێکی دیکەس داوای لە ئەمریکا کردوە کە ناوچەکە چۆڵ بکات و و هەروەها وتیشی هێزە چەکدارەکانمان ئاسایش بۆ ناوچەکە فەراهەم دەکەن، بەڵام لە راستیدا هەر ئەو هێزانە بە تایبەتی سپای قودس بوەنەتە هۆی لە ناوچونی ئاسایشی ناوچەکە .
