دوای ٥ دەورە لە دیالۆگی نیوەچل لە نێوان وڵاتانی ئێران و عەرەبستان بە نێوەندگیریی چین بڕیارە هەر دوو لایەن تا دوو مانگی دیکە کونسولخانەکانیان لە وڵاتی لایەنی دیکە بکاتەوە.
راگەیاندنەکانی رژیمی ئیسلامی ئیران بە بڵاوکردنەوەی بەیانییەی رێکەوتنی عەرەبستان، ئێران و چین، باسی رێکەوتنی نیوان تاران و ریازیان کرد. بە پێی نووسینی “ئیسنا” هەواڵنێری سەر بە رژیمی ئیسلامی ئیران، رۆژی هەینی رێکەوتی ١٩ی ڕەشەممە دوای کۆمەڵێک وتووێژ، دوو لایەن بەو ئەنجامە گەیشتن کە هەر دوو لایەن لانیکەم تا دوو مانگی دیکە پەیوەندی دیپلوماتی دەسپێبکەنەوە. هەروەها وەزیرانی هەر دوو وڵات بۆ بەرێوەبردنی ئەم رێکەوتنە، بڕیارە چاوپێکەوتنیان هەبێت.
جێگەی ئاماژەیە پێشتر ٥ دەورە کۆبوونەوە و دیالۆگ لە نێوان هەر دوو وڵات ئەنجام درابوو کە هیچیان نەگەیشتونەتە کۆتایی و تا ئیستا وردە کاریی زیاتر سەبارەت بە رێکەوتنی ئیران و عەرەبستان بوونی نییە و هەروەها هەر دوو لایەن جەختیان لە سەر رێکەوتنی ساڵی ١٣٨٠ی هەتاویان کردوە بە پێوەری کارکردن کە هاوکاری ئابووری، فەنی و وەرزشی ساڵی ١٣٧٧ و رێزگرتن لە دەسەڵاتی یەکتر و دەستێوەرنەدان لە کێشەکانی ناوخۆیی یەکتری لە خۆ گرتبوو.
شایانی باسە عەلی شەمخانی وەک نوینەری خامنەیی، رۆژی ١٥ی ڕەشەممە لە پەکەن بون و هەروەها سەفەری “رەئیسی” بۆ وڵاتی چەین بنچینەی ئەم رێکەوتنەیان نابوو و بە گشتی ئەم رێکەوتنە چوار رۆژی خایاندوە.
