لە چەندین شاری پارێزگای خوزستان تەنها لە رۆژی یەکشەممە زیاتر لە ٧٠٠ خوێندکار ژەهراوی کراون. زانکۆی زەهرای تەبرێز، تایبەت بە کچان، ژەهراوی کران. زیاتر لە دەیان قوتابخانە لە کوردستان ژەهراوی کران، تەنها لە شاری مهاباد ٧٠ خوێندکاری کچ ژەهراوی کراون. ئەمە لە حاڵێکدایە کە رۆژنامەی کەیهانی سەر بە رژیم نووسیویەتی ئەو ژنەی کە ویدوئۆکەی بڵاو کراوەتەوە دزیی کردوە، لە حاڵێکدا ئەو ژنە تەنها دایکی خوێندکاریک بوو.
جێگەی ئاماژەیە رۆژی یەکشەممە ١٤ی ڕەشەممە قوتابخانەکانی کچان لە ئێران ژەهراوی کران. سەدان خوێندکار توشی سکچوون، ڕشانەوە، سک ئێشە و تەنگە نەفەس و … بون و لە نەخۆشخانەکانی ئێران بەستری کران.
جێگەی ئاماژەیە کە تا ئامادە کردنی ئەم هەواڵە قوتابخانەی کچانی ئەم شارانە کراونەتە ئامانج، تاران، کوردستان، کەرەج، مهاباد، خوزتان، سەقز، دیواندەرە، دێهگوڵان، تەورێز، مەشهەد، زەنجان، هەمەدان، ئێسفەهان، گیلانی غرب، ئەبهەر، هەفگل، فولاد شار، خەلخال، شاریار، گونبەدی کاووس، رامهورموز، بوشهر، یەزد، نەیشابور، شیراز، ئیلام، کرماسان، میهران، خۆیی، سەلماس، ورمێ، ساری و بابول و… ژەهراوی کراون.
شایانی باسە لە درێژەی ئەم ژەهراوی کردنی قوتابیانی کچ لە ئێران چالاکانی مەدەنی و ماموستایان، ئۆپزسیونی کورد و فارس داوای هاتنە سەر شەقامیان کردوە و داوایان کردوە خەڵک بە هەموو شێوە ناڕزایەتی خۆیان بۆ ئەو کردەوە قیزەونەی رژیم دەرببرن.
