دەزگایی دادی رژیمی ئیسلامی ئێران بۆ شەش کەس کە بە ئەندامی گرۆپی “حرکت النضال” ناوزەد کردوە و دەڵێت دەستیان لە کردەوەی چەکدارانەدا هەبوە بە ئێعدام مەحکوم کراون. هەواڵنێری میزان سەر بە دەزگای دادی ئێران رۆژی ١٥ی ڕەشەممە راایگەیاند کە حوکمی ئەو کەسانە بە ناوەکانی عەلی مجدەم، محەمەد رەزا موقەدەم، موعین خەنفێری، حەبیب دریس، عەدنان غبیشاوی و سالم موسەوی لە دادگای ئینقلابی شاری ئەهواز دراوە.
ئەو دادگایە دەڵێت کە ئەو شەش کەسە دەستیان هەبوە لە کوشتنی دوو بەسیجی و ئەندامێکی هێزی ئینتزامی و سەربازیک.
شایانی باسە بەرێوە چوونی دادگای ئەو شەش کەسە لە حاڵێکدا بوە کە مافی پارێزەریان نەبوە رژیمی ئیسلامی بە شکەنجە ئێقراریان لێ وەرگرتون، بە پێی ئەو وتانە بە دژی خۆیان، دادگا سزای ئێعدامی بە سەردا سەپاندون.
