زیاتر لە ٤٠ پەنابەر لە ئاوەکانی رۆژهەڵاتی ئیتالیا گیانیان لە دەستدا. قوربانیەکان شاڕۆمەندی ئێران، ئەفغانستان و پاکستان بون. چەندین منداڵ و کە دانەێکیان تەنها چەن مانگی بوو گیانیان لە دەستداوە. دۆخی ناڵەباری ئاو و هەوا بوەتە هۆی ئەوەی کە گەران بە دوایی نوقم بوەکاندا سەخت بێت.
سەرلەبەیانی رۆژی یەکشەممە ٦ی ڕەشەممە پاۆرێک کە زیاتر لە ١٠٠ پەنابەری تێدا بوو لە نزیک شاری “کرۆتۆنی” لە رۆژهەڵاتی ئیتالیا، نوقم بوو و لانیکەم ٤٠ کەس لە پەنابەران بەو هۆیەوە گیانیان لە دەست داوە. بە پێی راپورتەکان گەران بە دوای دۆزینەوەی گومبوەکان بەردەوامە و ئەمە لە حاڵێکدایە کە بە هۆیی بارودۆخی ناڵەباری ئاو و هەوای ناوچەکە یارمەتیدەران توشی کێشە بون و کارەکەیان سەختتر بوەتەوە.
شایانی باسە “ماتئۆ پیانتدوسی”، وەزیری وڵاتی ئیتالیا، بە بڵاوکردنەوەی راگەیاندنێک نوقم بوونی ئەو پاپۆرەی بە تراژدیەکی گەورە ناوبرد و وتیشی دەبێ ئەو ریگایانە بگیردرێت کە گیانی مرۆڤ دەکەوێتە مەترسیەوە. ناوبراو وتیشی بەستنی رێگەی زەریا دەتوانێ بەر بەو کارەساتەی کە ئەمڕۆ روویداوە بگرێت.
