دابەزینی ئاستی تمەن لە بەرانبەر دراوی بیانی بوەتە هۆی ئەوەی خەڵک ناڕزایەتی خۆیان بە شێوەی جۆراوجۆر دەرببرن و راگەیاندن و سدا و سیمایی رژیمی ئیسلامی ئێرانیش وەک هەمیشە بۆ تاوانکار گەراون و وتویانە ئۆپزسیون و راگەیاندنە دەرەکیەکانی تاوانبارن لە سەر دابەزینی ئاستی دراوی ئێرانی.
هاوکات لەگەڵ دابەزینی نرخی تمەن لە بەرانبەر پولە بیانیەکان لە ئێران، دۆلار سنووری ٦٠ هەزار تمەنی لە بازاری ئازادی تاران تێپەراند، ئەمە لە حاڵێکدایە کە ژمارەیەک لە کابەرانی تۆرە کۆمەڵایەتیەکان ناڕزایەتی خۆیانیان بە شێوەگەڵی جیا دەربریوە. کۆمەڵێکیان باسیان لە ناڕزایەتی و دەستگیریەکان و گۆشارەکانی ئابووری بۆ سەر تان و پۆیی ژیانی خەڵک کردوە و کۆمەڵێکی دیکەش باس لە دەربرینی ناڕزایەتی و هاتنە سەر شەقام دەکەن.
