سەرلەبەیانی ئەمڕۆ چوارشەممە سێی رەشەممە، سەرکەوت ئەحمەدی کوڕی حەبیب، خەڵکی شاری رەوانسەر و زیندانی سیاسی کورد بە بێ ئاگادار کردنی بنەماڵەکەی لە زیندانی دیزڵئاوای شاری کرماشان ئێعدام کرا.
سەرکەوت ئەحمەدی پێشتر ئەندامی کۆمەڵەی شۆڕشگێری زەحمەتکێشانی کوردستانی ئێران بوو و دوای ئەوەی دەگەرێتەوە بۆ ئێران و ناوبراو دەیەوێ لە ئێرانەوە بچێت بۆ ئورووپا بەڵام لەلایەن هێزە سەرکوتگەرەکانی رژیم دەستگیر دەکرێت و بە تۆمەتی کوشتنی حەسەن مەلەکی ئەندامی هێزە ئینتیزامیەکانی رژیم لە نزیک سنووری ئێران و تورکیە دەستگیر دەکرێت.
شایانی باسە سەرکەوت ئەحمەدی دواتر لەلایەن دادگا ناحکومیەکانی رژیمەوە بە تۆمەتی ئەندامبوون لە کۆمەڵە و کوشتنی حەسەن مەلەکی بە ئێعدام حوکم دەدرێت و سەر لە بەیانی ئەمڕۆ لە سێدارە دەدرێت.
