شەڕی ئۆکراین و روسیە بۆەتە هۆی ئەوەی کە کۆمەڵێک وڵات قازانجی تایبەتی تێدا دەکەن و وەزیری دەرەوەی چین “کین گونگ” دەڵێت: نیگەرانی پەرەسەندی شەڕی ئەو دوو وڵاتەین، ناوبراو لە درێژەی وتەکانیدا دەڵێت: رەنگە ئەو شەڕە لە کونترۆڵ بێتە دەرەوە و لەم ناوەش کۆمەڵیک وڵات قازانجی تایبەتیان هەیە. ئەمە لە حاڵێکدایە کە خودی وڵاتی جین هێرشی روسیەی بۆ سەر ئۆکراینی ئیدانە نەکردوە و گوێشی بە هۆشداری ئەمریکا بۆ نەناردنی چەک و تەقەمەنی بۆ روسیە نەداوە و بە شێوەیەک پشتگیری وڵاتی روسیەی کردوە و دەکات و ئەمەس وایی کردوە واشنگتۆن تورە بێت لە چین. ئەو وڵاتە هەروەها رایگەیاندوە کە حەفتەی داهاتوو پێشنیاری پلانێک بۆ ئاشتی دەدات بە هەر دوو لایەنی شەڕەکە.
ئەمە لەلایکەوە و لەلایکی دیکەوە چین خۆیی لەو شەڕەدا بێ لایەن نیشان دەدات و وڵاتانی ئەمریکا و ناتۆ بە دەستێوەردان لەو شەڕدا تۆمەتبار دەکات.
دوای ئەوەی “ئانتۆنی بلینکێن”، وەزیری دەرەوەی ئەمریکا، رۆژی شەممە هوشداریدا کە وڵاتی چین دەیەوێ یارمەتی نیزامی بگوازێتەوە بۆ روسیە و یارمەتی ئەو وڵاتە بدات، وەزیری دەرەوەی چین ئەمریکای بەوە تۆمەتبار کرد کە دەیەوێت بەرپرسایەتی شەڕی ئۆکراین دەخاتە مل چین.
ئەمە لە حاڵیکدایە کە وڵاتی جین و روسیە ئەم ساڵانە پەیوەندی باسی ئابوورییان پێکەوە هەبوە و هەیە و وڵاتی جین یەکیکە لە گەورەترین هینەرانی نەوت، گاز و زوخالی روسیە. تا ئێستە یەک شرکەتی چینی بە تۆمەتی ناردنی وێنەی ماهوارەیی ئۆکراین بۆ گرۆپی “واگنێر”، ئەو گروپە مزدورەی کە لە ژێر سیبەری کرملیندایە، ئەو شرکەتە بەو هۆکارە کەوتە ژێر گەمارۆیی وڵاتی ئەمریکا.
