بە پێی ئەو هەواڵەی پێمان گەیشتوە رۆژی یەکشەممە ٣٠ رێبەندان ٥ کۆڵبەری کورد لە رێگەی شوانکارەی سەر بە شاری جوانڕۆ بریندار بون یا گیانیان لە دەست داوە.
سەر لە ئێوارەی رۆژی یەکشەممە ٣٠ی رێبەندان کۆڵبەرێکی کورد بە ناوی سامان یەعقوبی خەڵکی ئاوایی سەرخەبانی شاری جوانڕۆ بە هۆیی رووداوی هاتوچۆ لە جادەی شوانکارە گیانی لە دەستدا.
جێگەی ئاماژەیە لەو رووداوەدا چوار کەسی دیکەش بریندار بون کە دۆخی دوانیان ناجێگیرە و لە بەشی ئای سی یووی نەخۆشخانەی ئەو شارە بەستەری کراون و ئەو دوو کەسەی دیکەش لە نەخۆشخانەی شاری جوانڕۆ خەوێندراون.
