بە پێی ئەو هەواڵەی بە هەواڵی رۆژ گەیشتوە، شەوی شەممە شاڕۆمەندێک بە ناوی “موختار فەتحی” خەڵکی شاری سەقز تەنها بە گۆمانی درۆشم نووسین لە مەودایەکی نزیکەوە لە ناو ترومبیلەکەی دەکرێتە ئامانجی هێزە سەرکوتگەرکانی رژیم و گیانی لە دەست دەدات.
موختار فەتحی لە گەڵ دوو هاوڕیی خۆیی لە نزیک ماڵی باوکی لە ناو ترۆمبیلێک دانیشتبون، تەنها بە گۆمانی ئەوەی موختار درۆشمی لە سەر دیوارەکانی ناوشار نووسیوە بوەتە ئامانجی هێزە سەرکوتگەرکانی رژیم و لە نزیکەوە تەقەیان لێکردوە و فیشەک بەر ملی کەوتوە بەو هۆیەوە گیانی لە دەست داوە.
جێگەی ئاماژەیە لە سەرەتای شۆڕشی ژیناوە تا ئامادە کردنی ئەم هەوالی زیاتر لە ٥٠٠ کەس بە هۆی تەقەی هێزە سەرکوتگەرکان لە ئێران بە تایبەتی کوردستان و بەلوچێستان گیانیان لە دەست داوە و بە هەزاران کەسیش بریندار بون.
شایانی باسە شاری سەقز بە هۆی ئەوەی شوێنی لە دایک بوونی ژینایە، گرنگی تایبەتی لەو شۆڕشەدا هەیە و ژینا بوە سومبول و رێنوینی خەڵکی ئێران بۆ دژایەتیکردنی رژیمی ئیسلامی ئێران، ئەو شارە بۆ هێزە ئەمنیەتیەکان گرنگی تایبەتی هەیە و لە سێ مانگی رابردوو هیزێکی زۆری ئیتلاعات و … براونەتە شاری سەقز و ئەو هێزانە نەخشی گرنگیان هەبوە لە سەرکوتی خەڵکی مەدەنی.
