توماج سالحی خوێنەری رەپی ناڕازی کەلە ساڵی رابردوەوە دەستگیر کراوە و لە زینداندایە، لە دۆخێکی ناڵەباری رۆحی و جسمیدایە و پێویستی بە چارەسەری پزشکی هەیە. جێگری وتەبێژی دەرەوەی ئەمریکا داواین کردوە هەر چی زووتر ئازادی بکەن.
“وێدانت پاتێل” جێگری وتەبێژی وەزارەتی دەرەوەی ئەمریکا پێنج‌شەممە ٦ی ئاوریل لە کۆبوونەوەیەکی هەواڵنێریدا لە وڵامی پرسیاری هەواڵنێرێک سەبارەت بە دۆخی ناڵەباری رۆحی و جسمی توماج سالحی ناوبراو لە زیندان وتی: ئێمە ئاگادری دۆخی توماج سالحین و دەزانین پێویستی بە چارەسەی پزشکی هەیە و هەروەها دەشزانین کە شکنجە کراوە. بەداخەوە هەلس‌وکەوتی رژیمی ئیسلامی ئێران لەگەڵ توماج دوایین پێشێلکاری مافی مرۆڤە کە لەلایەن رژیمی ئیسلامیەوە ئەنجام دراوە و ئەم شێوە هەلس‌وکەوتەی رژیم درێژەی هەیە. ئێمە داوا لە رێبەری ئێران دەکەین هەر چی زووتر توماج ئازاد بکەن. هەموو زیندانیانی سیاسی دەبێت ئازاد بکرێن و توماجیش بنێرن بۆ چارەسەی پزشکی.
شایانی باسە ئەگەر گۆشارە نێو دەوڵەتیەکان نەبوایەت ئەمڕۆ توماج زیندو نەدەبوو؛ تا ئامادە کردنی ئەم هەواڵە هێشتا کات و زەمانی دادگایکردنی توماج نادیارە و تێکۆشان بۆ رزگار کردنی گیانی توماج لەم ساتەدا زۆر گرنگە و پێویستە رێکخراوەکانی مافی مرۆڤ پەلە بکەن لە رزگار کردنی گیانی توماج.
