هاوکات بوونی سیانزەبەدەر لەگەڵ مانگی رەمەزان بۆ دەسەڵات بوە بیانویەک کە تەگەرە بخاتە بەردەم ئەو کەسانەی دەیانویست رۆژی سیانزەی ئەمساڵ بچنە باوەشی سروشت. دەرگای پارکەکان لە شارو سەیرانگاکان داخران و تا ئێوارە بە داخراوی مانەوە، بەڵام ترافیکی قورس نیشاندەری چونە دەرەوەی خەڵک و گوێ نەدان بە دڕیارەکانی رژیم.
سیانزەبەدەری ئەمساڵ لە حاڵێکدایە کە شۆڕشی ژن ژیان ئازادی پای ناوەتە حەوتمین مانگی خۆیی. لە چەن رۆژ پێش ئێستاوە دەسەڵاتدارانی رژیمی ئیسلامی ئێران کە نیگەرانی چونە دەرەوەی خەڵک و هاتنە سەر شەقامی شاڕۆمەندانی ئێرانی بون، چونکا خەڵک لە هەر هەلیک کەل وەردەگرن بۆ هاتنە سەر شەقام و بەو شێوە دەنگی ناڕزایەتی خۆیان دەردەبرن.
رژیمی ئیسلامی ئێران زیاتر لە چوار دەیەیە حوکمی خەڵکی ئێران دەکات و ئەم رژیم دژایەتی خۆش و شادی دەربرینی خەڵکە و کێشەی لەگەڵ ئەوە هەیە و ئەمساڵیش رەمەزانی کردە بیانوو بۆ ئەوەی خەلک سەرکوت کات و لە ناو ماڵ رایانبگرێت و رێگە نەدات بێنە دەرەوە، بەڵام خەڵک گوێیان بەو داواکاریەی رژیم نەدا و نە تەنها چونە دەرەوە و مەراسمی سیانزەبەدەری خۆیان بەرێوە برد، بەڵکوو بە گژ تاقم و دەستەی رژیمیش چونەوە و لە چەندین شوێنی ئێران تێکهەڵچون لەگەڵ هێزەکانی رژیم هاتوەتە ئاراوە.
