وەزیری بەرگری دەرەوەی ئیسرائیل لە کاتی سەردانی کەرانەی باختەری هۆشداریدا کە رژیمی ئیسلامی ئێران تێدەکۆشێت تا خۆیی لە سوریە و لوبنان دابمەزرێنێت. گالانت بە جەختکردنەوە سەبارەت بە بەرگری لە ئیسرائیل وتی ئەگەر پێویست بکات ئەوان لە سوریە دەردەکەین.
یواو گالانت، وەزیری بەرگری ئیسرائیل رۆژی یەکشەممە لە سەردانێکدا بۆ کەرانەی باختەری سەبارەت بە دەستێوەردانی رژیمی ئیسلامی ئێران لە ناوچەکە وتی: ئیمە رێگە نادەین ئیرانیەکان و حزب‌و‌ڵڵا زەربەمان لێبدەن. لە رابردوو رێگەمان نەداوە و ئێستە رێگە نادەین و ئەگەر پێویستیش بکات لە سوریە و لوبنانیش دەریاندەکەین.
شایانی باسە هەرەشەکانی گالانت دوایی ئەوە دێت کە ئیسراییل چەندین هێرشی لە سوریە کردە سەر بنکەکانی سەر بە رژیمی ئیسلامی ئێران و دوو ئەفسەری سپای رژیم لەو هێرشانەدا کوژران و دوای ئەوە رژیمی ئیسلامی هۆشداری بە ئیسراییل دا کە تۆلە دەکاتەوە.
ناسر کەنعانی، وتەبێژی وەزارەتی دەرەوەی ئێران، رۆژی یەکشەممە کوژرانی ئەو دو هێزەی سپای بە جنایەت شرۆڤە کرد و هەرەشەی کرد کە رژیمی ئیسالمی ئێران تۆڵە دەکاتەوە.
