لە حاڵیکدا دەیان قوتابخانە و سەدان قوتابی لە ئێران ژەهراوی کراون، ریبەری رژیمی ئیسلامی ئیران، دوای سێ مانگ و نیو بێدەنگی شکان و سەبارەت بەم پرسە وتی: ئەگەر ژەهراویی کردنی قوتابیان راست بێت، دەبێ بکەرانی سزا بدرێن.
عەلی خامنەیی رۆژی دووشەممە ١٥ی ڕەشەممە لە مەراسمی نمام چاندن لە حەوشەی دەفتەرەکەی خۆیی وتی: ئاماژەیەکیش بکەین بە پرسی رۆژ کە دەوترێت قوتابیەکان ژەهراوی کراون. ناوبراو هەروەها خوازیاری بەدوداچونی ئەو پرسەی کرد. ئەمە لە حاڵیکدایە لە چەن مانگی رابردوودا بەرپرسانی رژیم باسیان لەوە کردوە کە ئەوان ناتوانن بکەرانی ئەو کردەوانە بدوزنەوە و هیچ شتێکیان دەس نەکەوتوە. لەلاێکی دیکەوە بە پێی بەشێک لە هەواڵە ناوخۆیەکان شاخەی نیزامی “نسخا” سەر بە رژیم کە لە سوریە چالاک بون بەرپرسایەتی ئەو کردەوانەیان وە ئەستۆ گرتوە.
جێگەی ئاماژەیە شاریار حەیدەری ئەندامی کومسیونی ئەمنیەتی نەتەوەییش وتویەتی ئەم کردەوانە بە گشتی رێکخراون و هاوکات لە گەڵ درێژەی ژەهراویکردنی قوتابیانی کچ لە ئێران، چەندین راپورت سەبارەت بە رێگە نەدانی چونە دەرەوەی قوتابیان هاتوە کە بەرپرسانی قوتابخانە و هێزە ئەمنیەکان بەریان بە منداڵانی قوتابی گرتوە کە لە قوتابخانە نەجنە دەرەوە و لەلاێکی دیکەشەوە هێزە ئەمنیەتیەکان هێرشیان کردوەتە سەر بنەماڵەی قوابیان و ئەوەش نیشاندەری ئەو راستیە حاشاهەلنەگرەیە کە رژیم دەستی هەیە لە ژەهراویکردنی قوتابیان و خەڵک ئەوە بە تۆڵەکردنەوە لە قوتابیانی دەزانن.
