دوا بە دوای هێرشی رژیمی ئیسلامی بۆ سەر گۆڤاری فەرانسەوی “شارلی ئەندۆ” ژمارەیەک خەڵکی ئێران بە باردنی گوڵ و دانانی لە بەردەم دەفتەری پێشووی ئەو گۆڤارە پشتیوانی خۆیان لەو گۆڤارە نیشاندا. حەوتەنامەی “شارلی ئەبدۆ” دوو ژمارەی خۆیی لەسەر رێبەری رژیمی ئیسلامی تەرخان کرد و بە شێوەی کاریاتۆر گەمەی بە بەرپرسانی رژیم کردوە پشتیوانی خۆیان لە خەباتی خەڵکی ئێران دەربریوە. ئەم کردەوەی گۆڤاری “شارلی ئەبدۆ” دژکردەوەی توند و خێرای بەرپرسانی رژیمی بە دوایی خۆیدا هێنا و تا ئەو جێگە چوە پێشيوە کە حەسەن سەلامی، فەرماندەی گشتی سپا، هەرەشەی لە بەرپرسان و نووسەرانی ئەو گۆڤارە کرد و وتی ئێوەش چارەنووستان وەک سەلمان روشدی نووسەری کتێبی ئایاتی شەیتانیە. هەر لەو کاتەدا وەزارەتی دەرەوەی رژیمیش لە دژکردەوەی رەسمیدا بڵاوی کردەوە کە دانان و بڵوکردنەوەی کاریکاتۆری خامنەیی بێ رێزی بە شتە پیرۆزەکان و بایەخە ئایینی و نەتوەییەکانە. بە هەموو ئەوانەوە “ئێمانۆئێل مەکرۆن”، سەرۆک کۆمار و بەرپرسانی دیکەی وڵاتی فەرانسە پشتگیری گۆڤاری شارلی ئەندۆیان کرد. هەروەها گۆڤاری شارلی ئەبدۆش لەسەر کاری خۆیی بەردەوان وپشتگیری لە خەباتی ژن، ژیان و ئازادی کرد و لە ژمارەی دووهەمی خۆیدا سەروتارەکەی بە زمانی فارسی بڵاو کردەوە.
ژمارەیەک خەڵکی ئێران دەفتەری شارلی ئەبدۆیان گوڵباران کرد
By هەواڵی ڕۆژ