حەوت هاووڵاتی بە ناوەکانی عەلی بەخشوودی، ئیحسان گولابی، محەممەد ئیبراهیمی، هیوا مەحموودی، ئیسماعیل تەجەلا ئارام خالیدی نەسب و عەلیڕەزا محەممەدی ئەرشەد، کە لە خۆپیشاندانەکانی ئەم دواییەی رۆژهەڵاتی کوردستان دەستگیر کرابون، لەلایەن لقی ١٠٢ی دادگای تاوانەکانی رژیم، سزای زیندانیان بەسەردا سەپێندرا.
بەپێی ئەو هەواڵەی پێمان گەیشتوە عەلی بەخشووری تەمەن ٣٩ ساڵ، ئیحسان گولابی تەمەن ٢٠ ساڵ و محەممەد ئیبراهیمی ئەرشەد تەمەن ٢٩ ساڵ بە تۆمەتەکانی “ئەندامبوون لە یەکێک لە حزبە نەیارەکانی رژیم” سزای پێنج ساڵ زیندان و هەروەها بە هۆی “کۆبوونەوە و تێکدانی ئاسایشی گشتی” پەنج سااڵ و “پڕوپاگەندە لە دژی نیزام” سزای ١ ساڵ زیندان و “فیلم هەڵگرتن لە شوێنی دەوڵەتی” سزای ٣ ساڵ زیندنیان بە سەردا سەپێندرا.
شایانی باسە ئەم ٧ هاووڵاتییەی خەڵکی ئاوایی “پەسوێ” سەر بە شاری پیرانشارن، کە لە خۆپیشاندانەکانی رۆژهەڵاتی کوردستان دەستگیر کرابون و دوای ماوەیەک بە دانانی بارمتە ئازاد کرابون.
٦٤ ساڵ زیندان بۆ ٧ شاڕۆمەندی کورد
By هەواڵی ڕۆژ