رژیمی ئیسلامی ئێران بە هۆی جێبەجێکردنی حوکمی ئێعدام بە تایبەتی بە دژی خۆپیشاندەرانی شۆڕشی ژینا، لەلایەن ٥٤ وڵاتی شورای مافی مرۆڤی نەتەوە یەکگرتوەکانەوە ئیدانە کرا. ئەم وڵاتانە لە بەیانیەیەکی هاوبەشدا وتیان ئەوان نیگەرانی ئەم دۆخەی ئێرانن و ئێعدامی لاوانی شۆڕشگێر ئیدانە دەکەن.
لە دووهەمین رۆژی ٥٢هرمین کۆبوونەوەی شورای مافی مرۆڤی نەتەوە یەکگرتوەکان بە بڵاو کردنەوەی بەیانیەیەک خوازیاری کەم کردن یا نەهێشتنی ئێعدام لە بەرنابەر خراپترین جنایەت بون. ئەوان لەو بەیانیەدا باسیان لە بەلینی وڵاتەکان سەبارەت بە مافی مەدەنی و سیاسی کرد و بە پێی ئەو بەیانییە داوایان لەو وڵاتانەی کە هێشتا لە دادگاکانیان حوکمی ئێعدامیان هەیە کرد و خوازیاری نەهێشتن یا کەمکردنەوەی حوکمی ئێعدام بون.
شایانی باسە ئیمزاکەرانی ئەو بەیانییە دەڵێن هەموو دەستگیر کراوەکان دەبێت مافی پارێزەر و و لە دادگایەکی سەربەخۆ و دادپەروەردا دەبێ محاکمە بکەێن و لانیکەمی زەمان هەبێت بۆ بەرگریکردن لە خۆیان و مافی پێداچونەوەیان لە دادگایەکی سەرتر هەبێت. ئەو وڵاتانە لە درێژەدا وتوویانە کە نیگەرانی حوکمی ئێعدامن لە ئێران و لەمساڵدا لانیکەم ١٠٢ کەس لە ئێران ئێعدام کراون و ئەوەش مەترسی گەورەیە بۆ سەر ژیانی شۆڕشگێران و خەباتکاران. لەو بەیانیەدا کە لەلایەن “کریستیەن گیلمێرت” خویندرایەوە هاتوە کە لە مانگەکانی رابردوودا دەیان کەس لە شۆڕشوانانی شۆڕشی ژینا حوکمی ئێعدامیان لە دادگا فرمایشیەکانی رژیم بە سەردا سەپێندراوە.
