شیرین عەبادی بڕاوەی خەڵاتی نوبلی ئاشتی لە پەرلەمانی ئەورووپا جەختی لەسەر ئەوە کردەوە کە خۆپیشاندەرانی ئێرانی خوازیاری گوڕانی رژیمی ئیسلامی ئێرانن. شیرین عەبادی داوای لە وڵاتانی ئورووپایی کرد کە بە نیشانەی ناڕزایەتی و پشتگیری خۆپیشاندەران و هەروەها سەرکوتی سیستماتیکی رژیمی ئیسلامی سەفیرەکانی خۆیان لە تاران بانگ بەکەنەوە.
پەرلەمانی ئورووپا لە چوارچێوەی بەرنامەکانی سەبارەت بە رۆژی ژن، رۆژی چوارشەممە ٢٤ی ڕەشەممە “١٥ی مارس” بە تایبەتی شیرین عێبادی، مافناس و بڕاوەی خەڵاتی ئاشتی بانگهێشت کرد.
بزوتنەوەی ناڕزایەتی بە درۆشمی ژن ژیان ئازادی دەستی پێکرد و هەموو شارەکانی ئێرانی گرتەوە و ژنان نەخشی سەرەکیان لەو راپەرینە هەبوو و هەروەها ئەم راپەرینە پشتیوانی بەرینی وڵاتانی ئورووپایی بە دوایی خۆیدا هێنا. “ئۆرسۆلافۆن در لاین” سکرتێری کۆمسیونی یەکێتی ئورووپا لە دانیشتنی رۆژی چوارشەممە لە پەرلەمانی ئورووپا وتی؛ جیهان سەری سوور ماوە لە بەرخودان و راوەستانی ژنانی ئێرانی و خەباتی ئەوان بۆ ئازادی کاریگەری لەسەر هەموو ژنانی جیهان دانا و بوە رێنوینی هەموان. ناوبراو جگە لە رێزگرتن لە شیرین عەبادی جەختی کردەوە کە پرسی ژنانی ئێرانی تەنها ئازادی روسەری و حیجاب نییە، بەڵکوو ئەوان خوازیاری ئازادی و رزگارین لە توندرەوی و ترس و ئازادی هەڵبژاردنی کار، خوێندن و ئەوین بە بێ ئیجازە لە یەکێکیتر. سکرتێری گشتی کۆمسیونی ئورووپا جەختی کردەوە کە ئازادی ژنان و بەرابەری جنسیەتی و یەکسانی تەنانەت لەو وڵاتانەی کە گەشتی ئێرشادیان نییە بە سەختی بە دەست دێت و رەنگە بە سانایی لە دەست بچێت.
