بە پێی ئەو هەواڵانەی لە رۆژهەڵاتی کوردستانەوە پێمان گەیشتوە هاوکات لەگەڵ بەرێوەچونی جەژنی نەورۆز لە هەموو شار و شارۆچکە و ئاواییەکانی کوردستان هێزە ئەمنیەتیەکانی رژیم لە چەند شوێن تەقەیان لە شاڕۆمەندانی کورد کردوە و هەر بەو هۆیەوە دەیان کەس لە کوردستان بریندارن.
جێگەی ئاماژەیە لە شارەکانی سەقز، بۆکان، سنە، پیرانشار، مەریوان، حەسەن ئاوا و هەموو ئاوایی و شارۆچکە و شارەکانی کوردستان خەڵک ئاگریان کردەوە و دروشمیان بە دژی رژیم وتەوە و داوای روخانی رژیمی ئیسلامی ئێرانیان کرد. ئەوان هاواریان دەکرد؛ شەهید نامرێت، مەرگ بۆ خامنەیی و بە وتنەوەی سرودی شۆڕشگێری مەراسمەکانی رۆژی جەژنیان بەرێوە برد و هەر بەو هۆیەوە هێزەکانی رژیم تەقەیان لە خەڵکی کورد کردوە و دەیان کەس بریندار کراون.
