بە هۆیی هێرشی دوو فلستینی دوو برای ئیسرائیلی دەکوژرێن و لە دژکردەوەدا سەدان شارەک نشینی ئیسرائیلی هێرشیان کردوەتە سەر شارەکێکی فلستینی و ئاوایەکانی دەوروبەری و دەیان ماڵ و ترۆمبیلی فلستینیەکانیان ئاوردا. ئەم کردەوە تا ئێستە لانیکەم کوژراوێکی لێکەوتوەتەوە،
بە پێی راپورتی راگەیاندنەکانی ئیسرائیل، ژمارەیەک لە کەسایەتی و سیاسیەکانی نزیک لە بنیامین نتانیاهۆ پشتیوانیان لەو هێرشە کردوە و ئەوەیان وەک نیشانەی دەسەڵاتی واقعی ئیسراییل وهەروەها دەڵێن ئەو کردەوە کاریگەرترە لە کردەوەکانی ئەرتەشی ئیسراییل.
ئەمە لە حاڵێکدایە کە لە ماوەی مانگێکدا ١٣ ئیسرائییلی بونەتە قوربانی توندوتیژی فەلستینیەکان و لەلاێکی دیکەوە دەوڵەتی ئیسرایی بەلێنیان بە خەڵک دابوو کە ئەمنیەتی ئەوان چڕتر دەکەنەوە و دەیانپارێزن و بنیامین نتانیاهو داوایی لە خەڵکی خۆیی کرد کە دان بە خۆیاندا بگرن و خۆیان تۆلە نەکەنەوە. بەڵام دوابەدوای وتەکانی ناوبراو، خەڵکی تورەی ئیسرائیلی هێرشیان کردە سەر شارەکی “حوارە” لە نزیک شاری نابلێس و ئاوایەکانی دەور و بەریی، دەیان خانوو ترۆمبیل سوتان و لانیکەم کەسیک کوژراوە و دەیان فەلستینیش بریندار کراون.
جێگەی ئاماژەیە “ئیتار بن گوێر” وەزیری ئەمنیەتی ناوخۆیی ئیسرائیل لە بەرانبەر ئەم رووداوانەدا بێدەنی هەڵبژاردوە، بەڵام “زۆیکا فوگل” کەسایەتی ناوداری ئەندامی بزوتنەوەی ” دەسەڵاتی جولەکە” بە رێبەری ” بن گوێر”ە، بە شەبەکەیەکی رادیۆیی ئیسرائیلی وت: داخستنی حوارە و سوتانی، ئەو شتەیەکە چاوەڕێ و پێم خۆس بوو. ئێمە بەو شێوە دەتوانین رایانوەستێنین.
ئەم دۆخە لە حاڵێکدایە کە ئسراییل لە ناوخۆیدا خەریکی ئاڵ‌وگۆڕە لە دادگا و یاسایی وڵاتەکەیدا و بەشێک لە کۆمەڵگای ئەو وڵاتە دەڵێن ئەوە کودتایی دەسەڵاتە.
شایانی باسە ژمارەیەک لە ئیسرائیلیەکان جەخت لەسەر ئەوە دەکەنەوە کە ئەم رووداوە لە دامەزراندنی وڵاتەکەیانەوە تا ئێستە بێ وینە بوە و لەم دۆخەی ئێستەدا بارودۆخی ئابووری ئیسرائیلهەستان و دابەزینی بە خۆیەوە بینوە.
