ژمارەی قوتابخانە و ئەو شارانەی گیرودەی دەستی ژەهراوی کردنی خوێندکارانن بە شێوەیەک بەرچاو خەریکە پەرە دەستێنێت، تا ئەو جێگەی کۆمەڵیک لە راپورتەکان باس لەوە دەکەن کە ئەمڕۆ تەنها لە شاری تاران زیاتر لە ٢٠ قوتابخانەی کچان ژەهراوی کراون و بەرپرسانی رژیمیش هیچ وڵامێکی ئەوتۆیان بە خەڵک نەداوەتەوە و تەنانەت نوینەرانی پەرلەمانیش رایانگەیاندوە وتەکانی بەرپرسی ئیتلاعاتی رژیم نەیتوانیوە ئەوان بە قەناعەت بگەێنێت و ئەو وتانە هەر بۆ خۆیی باشە.
جێگەی ئاماژەیە کە ئەمرۆ دایک و باوکی منداڵانی ژهراویی کراو لە بەردەم قوتابخانە و وەزارەتی پەروەردە کۆبوونەتەە و درۆشمیان بە دژی رژیم داوە “مەرگ بۆ دەسەڵاتی منداڵکوژ”.
کانونی ماموستایانی ئێران لە بەیانیەێکدا رایانگەیاند کە ئەم ژەهراویکردنانە کردوەی تیرۆریستییە و رخنەی توندیشی لە وەزارەتی پەروردە گرت کە نەیانتوانیوە بە کردەوە هەنگاوی جدیی هەلبگرن و ئەمنیەتی خویندکاران دابین بکەن و دەبێ بکەریی ئەم کردەوانە دۆزرینەوە و بدرێنە دادگا.
شایانی باسە کاربەرانی تۆرە کۆمەڵایەتیەکان لەسەر ئەو باوەرەن کە ئەم ژهراویی کردنە بە ئانقەست و لەلایەن خودی رژیمەوە ئەوە ئەنجام دراوە و بێدەنگی رژیمیش ئەوە دەسلمێنیت؛ روانینی تالەبانی رژیمی ئیسلامی بۆ خویندنی کچان و تۆڵە سەندنەوەی رژیم لە کچان بە هۆیی نەخشی بەربلاوی ئەوان لە خۆپیشاندان و شۆڕشی ژن، ژیان، ئازادییە.
