وتەبیژی شورای باڵای ئەمنیەتی نەتەوەیی رژیمی ئیسلامی ئێران رۆژی شەممە٢٥ی خاکەلێوە سەبارەت بە هێرشی وڵاتە یەکگرتوەکانی ئەمریکا بۆ سەر بنکە و بارەگاکانی سەر بە ئێران لە سوریەهۆشداریدا و جەختی کردەوە کە هەر هێرشێک بۆ سەر بنکە و بارەگاکانی سەر بە رژیمی ئیسلامی بێ وڵام نامینێتەوە.
وتەکانی کەیوان خوسرەوی دوای ئەوە هات کە چەن راپورت باسیان لە رێژەی کوژراو و برینداری ئەو هێزانەی سەر بە رژیمی ئیسلامی کرد. بە پێی راپورتی رێکخراوی چاودێری مافی مرۆڤی سوریە، لە بریتانیا، ئەم هێرشانە ١٩ کوژراوی لێکەوتوەتەوە کە ١٦ شەڕکەری سوری و …. لە خۆ گرتوە و هەروەها سێ سەربازی ئەرتەشی سوریەش لەو هێرشانە کوژراونن.
دوو هێرشی قورسی ئاسمانی ئەمریکا لە رۆژی هەینی چەن ئامنجێکیان لەو وڵاتە دوای ئەوە هات کە هێزەکانی سەر بە رژیمی ئیسلامی هێرشیان کردە سەر بنکەیەکی نیزامی ئەمریکا و پەیمانکارێک کوژراو و پەنج سەربازیش بریندار کران.
وتەبێژی شورای باڵای ئەمنیەتی نەتەوەیی رژیم لە وتەکانی خۆیدا هێرشی دروونی بۆ سەر بنکەیەکی ئەمریکا رەد کردەوە و وتی ئەوان تێدەکۆشن بۆ دروست کردنی قەیرانی دەسکرد. ناوبراو وتیشی: ئەمریکا دەیەوێت بەم شێوە کردەوانە، بوونی خۆیی لە سوریە یاسایی نیشان بدات و هەروەها تۆمەت گەڵیک بخاتە ئەستۆی رژیمی ئیسلامی ئێران.
شایانی باسە بەرپرسانی ئەمریکایی رایانگەیاند کە ئەم تێک هەڵچونانە مەترسیدارە و جەختیشیان کردوەتەوە کە بە هەموو هێز و توانا پشتگیری و پشتیوانی لە هێزەکانی خۆیان دەکەن و دەیانپارێزن.
