لە رۆژانی داهاتو پولیسی رژیمی ئیسلامی پلانی پابەندنەبوونی ژنان بە حیجابەوە دەخاتە بواری جێبەجێکرد و ئەوەش ناڕزایەتی بەرینی چالاکوانانی مافی مرۆڤ و شاڕۆمەندانی ئێرانی لێکەوتوەتەوە و خەڵک لەگەڵ ئەو هێزانە دەرگیر بون و دەبن.
ئەحمەدڕەزا رادان، ئەمڕۆ هەینی رایگەیاند، پلانی بەرەنگاربوونەوەی پابەندنەبوونی ژنان بە حیجابەوە کە لەو وڵاتە بە ناوی پاکداوێنی و باڵاپۆشی ناسراوە، لە رۆژانی داهتو دەخەنە بواری جێبەجێکردنەوە. بە پێی ئەو پلانە، دۆسیە بۆ ئەو ژنانەی لە شوێنی گشتی، سەر شەقامەکان، شوێنی بازرگانی یان نێو ئۆتۆمبێل پابەندی حیجاب نابن، دەکرێتەوە و دەدرێنە دادگا. بڕیارە هێزەکانی رژیمی ئیسلامی ئێران لە کامێرای تایبەتی چاودێری بۆ بەرگرتن لە بێ حیجابی کەڵک وەربگرن، بە تایبەت بۆ دەستنیشانکردنی ئەو ژنانەی لە نێو ئۆتۆمبێلدا پابەندی حیجاب نابن و لە رێگەی تابلۆی ئۆتۆمبێلەکانیانەوە دەیاناسنەوە و دەدرێنە دادگا فەرمایشیەکانی رژیم.
جێگەی ئاماژەیە بە پێی ئەو ڤیدیۆیانەی لە نێوشارەکانی ئێران تۆمار دەکرێن، دوای ناڕەزاییەکان بە گیانلەدەستدانی ژینا ئەمینی یا شۆڕشی ژن ژیان ئاازادی پابەندنەبوونی ژنان لەو وڵاتە بە حیجاب زیاتر بووە و خەڵک بەرنگار و بەرەوروی هێزە ئەمنی و پولیسی رژیم لە شارە جۆراوجۆرەکانی ئێران بونەتەوە و داوای نەمان و مەرگ بۆ خامنەیی کردوە و دەکەن و بە دڵنیائیەوە شاڕۆمەندانی ئێران گوێ بەو فرمایشاتانەی رژیم نادەن و ئەوان چی دیکە ناگەرێنەوە دۆخی جاران.
