پلانی حیجاب بوەتە هۆیی ئەوەی کە رژیم کیسە بدورێت بۆ خەڵکی ئێران؛ لە پلانی نوێی حیجاب بڕیارە کە غەرامەی بێ حیجابی لە ئێران زیاد بکرێت، ئەمە لە حاڵێکدایە کە پلانی تازەی مەجلسی رژیم زۆر شتی تێدایە کە ڕوون نییە، کۆمەڵێک لە راگەیاندنەکان باسێکیان لی کردوە، بە پێی راپۆرتی “فراو” بەربەستەکانی پلانی حیجاب هەموو شوێنە گشتیەکان دەگرێتەوە؛ واتە لە شوێنە گستیەکانەوە تا شوێنی کۆبوونەوەی چکۆڵە. بە واتەیەکی روونتر ئەم بەربەستانە دەتوانێت لە ئیدارەکانەوە تا شوێنی گشتی و هەروەها فرۆکەخانەکان و شوێنی کرین و … هتەد لە خۆ دەگرێت.
لە راپۆرتەکەی فراودا هاتوە کە دەوڵەت بە جێگەی زیندان و بردنی ئەو کەسانە غەرامە یان بە واتەیەکی دیکە باج لەو خەڵکی راپەریوی ئێران وەردەگرێت، یەکیکی دیکە لەو سزایانە ئەوەیە کە خەڵک لە ئیدارەی حکومی دانامەزرێن و بێبەش دەکرێن لە کارکردن لەو شوێنانەی کە لە ژێر چاودێری رژیمدان.
جێگەی ئاماژەیە کە جێگری رەئیسی “محەمەد دێهقان” رایگەیاند کە لە سەدا هەشتا و پەنجی خەڵکی ئیەان حیجابیان دەوێت و ژمارەیەکی کەم داوای نەمانی حیجاب دەکەن و ئەو کەسانەی چارشێو و رووسەری لە سەر ناکەن تاوانبارن و دەبێ سزا بدرێن.
