کۆڵن کاهێن یاریدەدەری وەزیری بەرگری ئەمریکا بۆ سیاسەتی ئەو وڵاتە لە لێدوانێکدا رایگەیاند کە ئێران لە ماوەی ١٢ رۆژدا دەتوانێ کەل‌وپەلی پێویستی بۆ چەکی ئەتۆمی دروست بکات. ناوبراو وتیشی دوای ئەوەی بەرجام بەوشێوە شکەستی هینا، رژیمی ئیسلامی زۆر بە خێرایی لە چەکی ناوکی نزیک بوەتەوە و ئەوسا رژیمی ئیسلامی تەنها یەک ساڵی مابوو دەستی بە چەکی ناوکی یا ئەتۆم بگات و ئێستا تەنها ١٢ رۆژی ماوە.
بەرپرسانی ئەمریکا چەندین جار ئەم دابڕانەی رژیمی ئیرانیان خەملاندوە کە چەنی ماوە تا دەستیان بە چەکی ناوکی بگات و لە کاتێکدا بەرپرسانی ئەمریکایی دەڵێن ئیران لە مادەی پێتێندراو نزیک بوەتەوە، بەڵام لەگەڵ ئەوەشدا باوەریان بەوە نییە کە رژیم شارەزایی تەواویان هەبێت لە تکنولوژی بومبی ناوکی.
شایانی باسە بە پێی رێکەوتنی ساڵی ٢٠١٥ ی وڵاتە زڵهێزەکان لەگەڵ رژیمی ئیسلامی ئیران بریار بوو بەرنامەی ناوکی ئیران سنووردار بکرێت، بەڵام سەرۆکی پێشووی ئەمریکا دونالد ترامپ ئەو بڕیارەی هەلوەشاندەوە و ناوبراو لەسەر ئەو باوەرە بوو کە رژیم گوێ بە بڕیار و… و هتد نادات.
