وب سایتی ئیران واێر لە راپورتێکدا باس لەوە دەکات کە هێزەکانی رژیمی ئیسلامی ئێران بۆ تۆقاندن و چاوترسێن کردنی کجانی قوتابی دەستیان کردوە بە بڵآوکردنەوەی فیلمی پۆرن، بۆ ئەوە ئەو کچانە بیر لە شۆڕشی ژیان یا ژن ژیان ئازادی نەکەنەوە. لەو راپورتەدا هاتوە کە ئەو هێزانە فیلمی جوتبوونی مرۆڤ لەگەڵ حەیوانیان بۆ کچە قوتابیەکان بڵاو کردوەتەوە.
جێگەی ئاماژەیە تا ئێستا هیچ بەرپرسیکی رژیم ئەم راپورتەی رەد نەکردوەتەوە، هاوکات لەگەڵ ژەهراویکردنی کچانی قوتابی لە ئیران جەنجاڵی زۆریی لێکەوتوەتەوە. بەرپرسانی رژیم لە سەرەتادا ئەم راپورتانەیان رەت دەکردەوە، دوای بڵاوبوونەوەی زیاتری گازی ژەهراوی وازیان لە شاردنەوەی هینا و ژمارەیەک لە بەرپرسانی پێوشوو و ئێستا باسیان لە بە ئەنقەست بوونی ئەو کردەوانە زانی.
شایانی باسە زۆربەی پسپۆرانی سیاسی لەسەر ئەو باوەرەن کە ئەم ژەهراویکردنە، تۆڵەێکە کە رژیم لە کچانی قوتابی دەکاتەوە. دوای ئەوەی کچانی قوتابخانەکان رژانە سەر شەقام و ناو قوتابخانە و بە دژی رژیم دروشمیانوتەوە، ژمارەیەک ئاخوند چونەتە ناو قوتابخانەکان و هەرەشەیان لە کچانی قوتابی کردوە کە نابێت بەشداری خۆپیشاندان بکەن و دواتر فیلمی سکسی حەیوان و مرۆڤیان بۆ بڵاوکردونەتەوە و پێیان وتون کە ئەوە ئاخو و عاقیبەتی بەشداریکردنە لە خۆپیشاندانەکان و ئێوە ئاواتان بە سەردا دێت.
