راگەیاندنەکانی رژیمی ئیسلامی رۆژی سێشەممە ٩ی ڕەشەممە رایانگەیاند کە مانۆری نیزامی سپا و ئەرتەش لە دوو بەشی خاکی ئێراندا “لە ژێر ناوی بەرگریکارانی ئاسمانی ولایەت ١٤٠١” بە ئامانجی بەرگری لە هێرشی ئاسمانی دوژمن دەستی پێکردوە.
سەرتیپ عەباس فەرەجپوور وتەبێژی ئەم “مانۆری هاوبەشی تایبەتی پەدافەندی ئاسمانی” رۆژی سێشەممە ٩ی ڕەشەممە وتی: ئەم مانۆرە ” ناوی بەرگریکارانی ئاسمانی ولایەت ١٤٠١” و لە دوو بەشی خاکی ئێراندا ئەنجام دەدرێت. ناوبراو وتیشی ئەم مانۆرە بۆ دوزینەوە و لە ناوبردنی دروون و فرۆکەی هێرشبەری دوژمنە.
دەسپێکی ئەم مانۆرە دوای ئەو هێرشانەی سەر شارەکانی ئسفەهان و کەرەج دێت و رژیم دوای ئەوەی هەستی بە مەترسی هێرشی ئیسراییل بۆ سەر دام و دەزگاکانی لە ناوخۆیی خۆیدا کرد، دەستی کردوە بەم مانۆرە بۆ ئەوەی هێزی نیزامی خۆیی نیشان بدات.
