ئەمڕۆ هەینی تەقینەوەیەک لە نێو کێڵگەی گازی “کۆرومۆر” لە ڕۆژهەڵاتی شاری کەرکوک ڕوویدا کە سەرچاوەی سەرەکی بەرهەمهێنانی گاز و کارەبای هەرێمی کوردستانە، بەرپرسانی ئەمنی حکومەتی هەرێمی کوردستان ڕاگەیاند کە تا ئێستا هۆکاری ڕووداوەکە نەزانراوە و لێکۆڵینەوەکان بەردەوامن. ئەوان دەڵێن هیچ زیانێکی گیانی تۆمارنەکراوە بەڵام ڕووداوەکە بووەتە هۆی بڵاوبوونەوەی دوکەڵ و دەنگی تەقینەوەیەکی بە هێز لە ناوچەکە . قایمقامی قەزای چيمچەماڵ وتی: دەنگی تەقینەوەکە لە ناو کێلگەی کۆرومۆرەوە بیستراوە نازانین سەرچاوەی تەقینەوەکە لە نێو کێلگەکەوە بوە یا لەدەرەو و تا ئامادەکردنی ئەم هەواڵە هۆکاری تەقینەوەکە دیار نییە. ناوبرو وتیشی تەقینەوەکە زیانی گیان لێنەکەوتوەتەوە و کاریش لەو کێلگە رانەگیراوە و هەموو مووچەخۆرانی ئەو کێلگە خەریک کار و باری خۆیانن. ئەمە لە حاڵێکدایە دوای تەقینەوەکە دوکەلێکی رەش سەر ئاسمانی ناوچەکەی داگرتوە.
Previous Articleئۆستن: چین نزیک نەبوەتەوە لە داگیرکردنی تایوان
Next Article دانوستانی ناوکی گرۆپی پێنج زێدەیەک شکەستی هێنا
